తొలి ప్రేమ ..

మేఘమై తేలుతున్నా నీలాకాశం లో
జల పాతమై జారుతున్నా ప్రేమావేశం లో
తొలి ప్రేమలో ఉన్నానేమో ఈ నిమిషం లో
చెలి మోమునె చూస్తున్నా ప్రతి ఒక్కరిలో

తన తలపు లో ఉందేదో తెలియని పులకింత
తెలియనిది కాదేమో ఎవ్వరికీ ఈ వింత
కొత్త గా కనిపిస్తుంది జగమంతా
ఈ మాయనే అంటారేమో ప్రేమనీ..అంతా..

తన ఊహ తో ఊగుతున్నా ఊపిరి ఊయల
నా గుండెలో కడుతున్నా వలపుల కోవెల
తన చూపులో చూస్తున్నా పున్నమి వెన్నెల
తన నవ్వులో ఉందేమో వసంత కోకిల