మనిషి

ఏం సాధిద్దామని.. ఈ వృధా పోరాటం..
మరిచామా మనం .. చరిత్ర నేర్పిన పాఠం
గుర్తుంటే మనకి, కాలం చేసిన గాయం..
జరిగేనా..మతాల మాటున మారణ హొమం..

మనిషి మనిషి గా మనలేకుంటే..
మనిషికి మనిషే శత్రువు అయితే..
మనలో మనకే వైరం పుడితే ..
ఎవరు గెలిచినా .. ఓడేది మనమే..

మృగాల గెలిచి.. యుగాలు దాటి.. ముందుకు సాగిన మనిషే..
మతాల చిచ్చులో.. స్వజాతి భవిత ను సజీవ దహనం చేస్తుంటే..

తరాలు పంచిన అపార జ్ఞానం.. జనాల చంపే ఆయుధమవుతుంటే..
వనాలు వదిలిన మృగాల రీతి.. సమాజ శాంతికి సమాధి కడుతుంటే..

శ్రుతి మించిన మతోన్మాదం .. వినాశనానికి పునాది కాదా..
గతి తప్పిన ప్రజా పథం .. ప్రపంచ ప్రగతికి ప్రమాదమవదా.