హృదయపు వీణను.. మృదువుగ మీటిన రాగం
రేపటి ఆశో..నిన్నటి ద్యాసో.. ఏమో తెలియదు ఈ నిమిషం
భారంగా మారింది గుండె లోతుల్లో దాగిన భావం..
మౌనంగా మిగిలింది.. మాటల కందని ఉద్వేగం..

----------------------


కోరిన వరుడు.. తోడుగ కూడే.. ఈ శుభ సమయం
తూరుపు ఎరుపు.. నేర్పుగ దిద్దాలి.. కళ్యాణ తిలకం
పారాణి రంగై పాదాల వాలాలి.. పడమటి బానుడి అందం
రంగుల వనమై చిరకాలం..వెలగాలి.ఈ ఏడడుగుల బంధం

----------------------

---------------------------
వసంతాన్ని పిలిచే కోకిల గానం .. మీ సొంతమవ్వాలి నిత్యం..
హేమంత రాగాన మీ జంట కోసం..పొగ మంచు చేసేను నాట్యం
ఆరారు కాలాలు ఆతిద్యమిస్తూ మీ తోటి చేయాలి స్నేహం..
ఏడేడు లోకాలు ఏనాడు కనని.. సిరులకు ఆచూకి కావలి మీ బంధం

--------- Ramesh Samineedi

-------------------------

మనిషి మనుగడకు .. మేటి సంస్కృతికి.. మార్గం చూపెను..వేదాల సారం..
రాచ నీతి సూత్రాలను.. ధర్మ శాస్త్ర మర్మాలను ..విప్పి చెప్పెను భారతం..
శాంతి యుద్ధం .శక్తి చూపెను .. గాంధీ నడిపిన .. సత్యాగ్రహం...
అహింసే పరమ ధర్మమని.. చాటి చెప్పెను గౌతమ బుద్ధుని తత్త్వం..
...జాతి మెచ్చిన .. మేటి నేతల .. జగతికిచ్చెను .. మన భరత ఖండం..
శతాబ్దాలు మరువ లేని .. యుగాంతాలు చెరపలేని.. మేటి చరిత మనకు వారసత్వం.


-------------------------