---------------


సాగర ఘోషను తలపించేలా..
ఊహల సవ్వడి వింటున్నా ఏకాంతంలో .
వేల వీణలు ఏక దాటిగా
గానం చేస్తున్నట్లు.. హృదయం వేదికగా నాలో

నింగిని వెలిగే.. వెన్నెల సౌధం..
నేలను తాకే.. వేకువ కిరణం..
నాకని తలిచే .. నాటి అమాయకత్వం..
కాలం లెక్కలు తెలియని మొన్నటి బాల్యం..
కనుల ముందే కలలా కదులుతూ
నా నేటిని చూసి నవ్వుతోంది ఈ వేళలో

రేయి పగలు .. పరుగులు తీస్తూ
రేపటి వైపు.. తోసుకు వెళుతూ
ఆశల వలలో చిక్కుకున్న నిమిషాలెన్నో
ఆ పరుగులు కోరే తీరం ..ఎక్కడ అని నన్ను ప్రశ్నించే ఆలోచనలెన్నో..


-------------

ఎన్నో స్మృతులను వడిలో దాచిన నిన్న సెలవంటుంటే
ఏవో ఆశలు చూపిస్తూ.. రేపటి వైపు పోమ్మంటుంటే..
ఏ గమ్యం వైపుగా నీ పయనమని మది ప్రశ్నిస్తున్నా
సమాదానం తెలియని మది తనలో తానె తర్కిస్తున్నా
అడుగు ముందుకు వేయమ0టోంది ఆరాటం.. ఆహ్వానం అందిస్తోంది ఆశల తీరం

పంటలన్నీ ఇంట చేరి కంట నింపే.. కొత్త కాంతిని..
గజ్జె కట్టి.. ఆట లాడే..గంగిరెద్దులు...సన్నాయికి
రంగవల్లుల లోగిళ్ళు..నేలకు దింపెను నింగి రంగులని..
హరి దాసుల సందడి.. అచ్చ తెలుగు సంస్కృతి..
మల్లె మనసుల, పల్లె ముంగిట నిలిపెను సంక్రాంతి

Wishing U all happy pongal ....
--------

------------------
దశాబ్దాల పోరాటానికి ..పరమార్ధం విడి పోవటమా
సమాజాన్ని పీడించే సమస్యలకది సమాధానమా.
కలిసుండమని చెప్పిన నాటి నేతలది.. అవివేకమా
సంధి నియమాలను కిందకు నెట్టిన నేతల స్వార్థమా

ఎటు సాగేనో మన ప్రజా స్వామ్యపు పయనం..
ఖండ ఖండాలుగా మిగిలేనా అఖండ భారతం
నాయకత్వపు ముసుగులో మృగాలేలుతున్న రాజ్యం

-------------------

జాతి మొత్తం.. ఒక్కటయ్యి.. జరుపుకోగా .. హోలీ పండగ
కులం..ప్రాంతం.ద్వేషాలన్నీ. మాయమవవా.. రంగుల వెనక..
మనిషి తనం.. మనలో మొగ్గ తొడిగే వేళ.. మదిలో చిన్న ఆశ
భరత ఖండం.. మరిచి పోగా.. మహమ్మారి మతం మాయ..

...Wish You all a colorful Holi...

కోకిలా.. కనబడవేం .. ఈ ఉగాది పూటా.
చైత్రమా .. నువ్వైనా.. విన్నావా తన పాటా..
అతిధిగా రావమ్మా అవని ఇంటికి 'శ్రీ ఖరమా'
సిరుల పంటలు..మాకు కానుకగా ఇవ్వమా..
-- Ramesh Samineedi
...
అందరికీ 'శ్రీఖర' నామ సంవత్సర ఉగాది శుభాకాంక్షలు..

------------------------


ఎవరిది తప్పు ,ఎవరికి ముప్పు, వాటా వ్యాపారం లో..
రాజా 'స్కాము'కి, తాజా స్కీముల సమదానమిదిగో ..

లక్షల కోట్ల..బక్షణ హక్కు.. నేతల ఖాతాలో..
ఫ్రీ గా రైస్ .. మిక్సీ, గ్రైండరు.. మన వాటాలో ..

ఎవ్వరి డబ్బు.. ఎవరికి చేరెనో .. ఈ జూదంలో
తెలిసే నాటికి.. రేపటి జాతికి.... ఏం మిగిలేనో..


-----------------------